أخطاء بتمنع وصولك لنتيجة في الجيم - معظم اللاعبين بيعملوها
أخطاء بتمنع وصولك لنتيجة في الجيم - معظم اللاعبين بيعملوها

ليه بتتمرن ومش بتوصل للنتيجة؟ ليه فيه ناس بتلعب أقل منك وعضلاتهم أحسن؟ كنت مكانك بالظبط. بتمرن 5 أيام في الأسبوع وبموت نفسي لكن النتيجة بطيئة. لحد ما اكتشفت الأخطاء اللي كنت بعملها.
الخطأ الأول: إهمال الإحماء
معظم الناس بتخش الجيم وتاخد الدمبل وتلعب. عضلاتك باردة ومش مستعدة. ده بيزود فرصة الإصابة. الإحماء الصح: 5-10 دقائق تمارين ديناميكية.
الخطأ الثاني: اللعب بوزن أكبر من قدرتك
دي أكبر مشكلة. الوزن الكبير يخرب شكل التمرين والعضلة مش بتشتغل. الوزن الصح: اللي تخليك تكمل آخر عدة بصعوبة من غير ما تخرب الشكل.
الخطأ الثالث: إهمال تمارين الأرجل
في ناس بتلعب صدر وبايسبس وبطن بس. تمارين الرجلين (السكوات والديدليفت) بتحفز إفراز هرمون النمو والتستوستيرون اللي بيبنوا كل عضلات الجسم.
الخطأ الرابع: عدم تسجيل التمارين
جيب دفتر صغير. اكتب وزنك وعدد التكرارات. من غير تسجيل مش هتعرف إذا كنت بتزيد ولا لأ.
الخطأ الخامس: السوشيال ميديا في الجيم
تلعب مجموعة وتطلع تلفونك ربع ساعة. الراحة بين المجموعات: دقيقة للتمارين الصغيرة، دقيقة ونص للكبيرة.
خلاصة
صحح أخطاءك وهتشوف نتيجة. ابدأ بالإحماء، العب بوزن مناسب، العب رجلين، سجل تمارينك، بلاش تلفون.
